![[ عضو مميز ]](https://2img.net/h/www.mjnonat.com/vb/images/icons/icon49.gif "[ عضو مميز ]"){kind=icon}
من طرف 
مو معقوله تجي منك وترميني لاي انسان
يلملمني ولايلقى في عيوني غير دمعاتي
انا مااصدق انك انت تنهيني من الوجدان
وترميني وانا اشوف القبر نادى مسافاتي
وكسرني الشتا ء ياوليد وانت بداخلي دفيان
تحملت الآسى والضيم عشانك يابعد ذاتي
وصحاني البرد والا هو وانت بداخلي غفيان
تحملت السنين وقلت على الله تلملم شتاتي
انا امك ياهييييه امك حملتك والعذاب الوان
ولدتك والالم سكين يركز داخل لهاتي
وانا اثناء الولاده من بكى صوتك طعنت احزان
لأني شفتك بصوتك تنادي كل طموحاتي
ومهدتك في عين وعين يشرب حزنها القرآن
وهزيتك وكان النور يتهزهز من دعاتي
اضمك في يديني لا تجي تقول انا بردان
تركت البرد لضلوعي رح انشد رعشة اشفاتي
وزولزك من ركض فيني لمست بداخلي اوطان
وتركت تنثي بمجدك على كتف انكساراتي
وتذكر يوم مدرستك صدى وكفوف انا الحرمان
وكانت رنته من فلس خنقته لك بشيلاتي
كبرت وصرت بعيوني شجاع واشهم الفرسان
وحلفت اني على عرسك لارقص كل شيباتي
اسولف للبشر عنك اقول ولابه اي نقصان
رضع عز الشهامه شف طموحه في معاناتي
وله شان الصقر لا احذ منه الصقر له شان
يجي مثل الوضوءلاغط حنينه فوق راحاتي
يقولون الولد هو خان اقول وليدي لا ماخان
وهم يدرون ماغطى منامي غير وناتي
افا وشلون تتركني يكحلني عما النسيان
وانت ادرى في يوم الحشر جنه تحت خطواتي
لك الله مانطق صوتي لك بدعوة الغفران
ولكن خوفي من حزني ومن دعوات عبراتي
تدين اليوم ياوليدي وباكر للاسف تندان
ويرمونك مثل امك وتذكر حلم شيباتي
الشاعرالمبدع: سالم سيار